hammadi khlifi

  هاني بش نسميها خالتي عيشة، تحفظا على الهوية. أما مازلت نتذكر بلباهي عام الفين وستة ولا هي هي الفين وخمسة، كنت طفل صغير، نمشي مع اولاد حومتي، مفقّرون جميعًا وبعضنا حافي القدمين تحولت جلدة ساقيه الى نعل جاف يابس من كثرة السير، كي نعمل في "منشر" الطماطم، مجمع كبير يبعد عنا اربعة كيلومترات سيرًا شبيه بمعسكر الاعتقال، تحيطه الأشلاك الشائكة والكثير من الاسمنت. كنا نقف، أطفالا تحت شمس الصيف الحارقة، كي يأتي سي عبد القادر، أو قدور كما كانو ينادونه، ويتأملنا، يجسنا، ويختار البعض ممن حالفه الحظ العظيم للعمل ذلك اليوم، أما البقية، فالله غالب، وعليهم اتخاذ مسلك العودة ذي الكيلومترات العديدة, العمل؟ كنا نهزو قاجوات الطماطم، نحطوهم في جابية، بش زعمة زعمة يتغسلو، ومبعد يتقشروا، ومبعد يعبوانا معاهم في كماين، والطماطم هاذيكا لازمها تتنشر في شبك تحت الشمس بش تتشيح وتترحى ويقع تصديرها لايطاليا، كنا نعمل تحت الشمس لمدة ثمان ساعات، تسع أو عشر ساعات احيانا، لا رقيب ولا ضوابط، مقابل كم؟ خمس دينارات ونصف، نعم، وكثير من الصراخ والاهانة والسخرية. اتذكر جيدا احتراق اجزاء من جسدي بسبب الملح والماء ال

  من أكثر التجارب المرعبة لي مريت بيهم هوما نوبات الذعر، أو نوبات الهلع، أو ال panic attacks. طبعا مثماش ترجمة واضحة بالعربية نظرا لعدم الاهتمام بالموضوع أصلا، حتى انو الanxiety ترجمناها للقلق ولي هي مرادف عربي بعيد جدا عن المعنى المُراد من الكلمة، وحتى الهلع فهو كمصطلح فهو محاولة للاقتراب من المعنى. نوبات الهلع شبيهة جدا في العوارض الأصلية، وتقريبا تحمل نفس أعراض النوبات القلبية (heart attack) والسكتة الدماغية (stroke)، تحس قلبك بش ياقف، بش ينفجر من قوة وسرعة وارتفاع الدقات بشكل جنوني، يتقص عليك النفس تماما، وتولي تبربص، وأحيانا تفقد الوعي وترد وتدوخ وفمك يشيح ويولي شوك في حلقك وحجر. تعرضت لنوبات هلع في تونس وفي أمريكا ومرة في الطيارة في السماء، في تونس نمشي للاستعجالي والطبيب يحاول يعطيني مهدئات بش نرتاح كيما سيداتيف، ويصارحني ويقلي راهو بلحق منجموا نعملوا شي آخر، وفي امريكا كيف كيف مع اختلاف في جرعات البوتاسيوم والمورفين أحيانا وتحاليل اخرى للتثبت من عدم وجود أسباب أخرى. عمري ما ننسى الفجعة وسيارة الاسعاف والهبوط الحاد في دقات القلب واضطراب الممرض المساعد وجرعات المهدئ وفمي لي تشقق